Կարևոր է, որ սատար կանգնենք Գերագույն գլխավոր հրամանատարին. Սուքիասյան

«Սիլ գրուպ» ընկերության սեփականատեր, ԱԺ նախկին պատգամավոր Խաչատուր Սուքիասյանը հայտարարել է, որ իր ընտանիքը 100 մլն դրամ է փոխանցել բանակի կարիքների համար բացված հաշվեհամարին:

«Տեղի ունեցող լայնամասշտաբ պատերազմը մեր պետականության և մեր հարատևության հարցն է:

Շատ կարևոր է, որ այս ծանր ու դժվար պահին լինենք պետության կողքին, սատար կանգնենք Գերագույն գլխավոր հրամանատարին և աջակցենք մեր ապագայի համար մղվող պատերազմում:

Մարտի դաշտում կռիվ տվող զինվորին այս պահին պետք է ամուր թիկունք: Բոլորս պարտավոր ենք լինել մեկ բռունցք: Երբ մենք միասնական ենք՝ մեզ երբեք հաղթել չեն կարող:

Մեր ընտանիքը 100 միլիոն դրամ գումար է փոխանցում այս պահին խաղաղություն պարտադրող Հայոց անպարտ բանակի կարիքների համար բացված հաշվեհամարին:

Հաղթելու ենք»,- Ֆեյսբուքի էջում գրել է Խաչատուր Սուքիասյանը։

Գնահատականը
( 1 оценка, среднее 5 из 5 )
ՉՄՈՌԱՆԱՔ ԿԻՍՎԵԼ ԸՆԿԵՐՆԵՐԻ ՀԵՏ